მოწყობილობის გამოყენების ინსტრუქცია

1. სისტემის შემადგენლობა

სისტემა შედგება ორი ძირითადი ნაწილისგან:

სენსორული ბლოკი — აფიქსირებს წყალში ელექტრულ პულსებს და აკონტროლებს მოწყობილობის გადაადგილების ან გატაცების მცდელობას.

ცენტრალური ბლოკი — იღებს სენსორის რადიოსიგნალს, განსაზღვრავს GPS მდებარეობას და ინფორმაციას აგზავნის SMS-ით და ვებგვერდზე.

სადემონსტრაციო ვერსიას ახლავს აგეთვე სიგნალების გენერატორის ბლოკი, რომელიც ახდენს დაბალი ძაბვის იმპულსური სიგნალის იმიტაციას და გამოიყენება დემონსტრაციის მიზნით.

2. ცენტრალური ბლოკის ჩართვა

ყოველთვის პირველად ჩართეთ ცენტრალური ბლოკი.

ჩართვის შემდეგ რამდენიმე წამი დაელოდეთ სისტემის ინიციალიზაციას.

ნორმალურ სამუშაო მდგომარეობაში ეკრანზე უნდა გამოჩნდეს:

GSM:OK RF:READY

მეორე ხაზზე ნაჩვენებია ბატარეის მდგომარეობა.

3. ტელეფონის ნომრის რეგისტრაცია

პირველი გამოყენებისას უნდა დარეგისტრირდეს ტელეფონის ნომერი, რომელზეც სისტემა შეტყობინებებს გააგზავნის.

1. გახსენით SMS თქვენს ტელეფონში.
2. მიმღებად მიუთითეთ მოწყობილობის SIM ნომერი: 511225380.
3. ტექსტად ჩაწერეთ REGISTER.
4. გააგზავნეთ SMS.

წარმატებული რეგისტრაციის შემდეგ მიიღებთ პასუხს:

Phone registered successfully

სხვა ტელეფონის დასარეგისტრირებლად ახალი ტელეფონიდან კვლავ გაგზავნეთ REGISTER.

4. SMS ბრძანებები

ბრძანებები იგზავნება მოწყობილობის SIM ნომერზე 511225380.

ასოების დიდი ან პატარა რეგისტრი მნიშვნელობას არ აქვს.

5. სენსორული ბლოკის ჩართვა

1. სენსორი მოათავსეთ იმ მდგომარეობაში, რომელშიც მუშაობისას უნდა დარჩეს.
2. ჩართეთ სენსორული ბლოკის კვება.
3. 2–3 წამით დატოვეთ სრულიად უძრავად.

წყალში უნდა მოთავსდეს მხოლოდ ამისთვის განკუთვნილი სენსორული ელექტროდები.

6. გატაცების საწინააღმდეგო დაცვა

სენსორულ ბლოკში მოთავსებულია მოძრაობისა და გადახრის სენსორი.

გატაცების განგაში ჩაირთვება, როდესაც:

• მოწყობილობა საწყისი მდგომარეობიდან დაახლოებით 30°-ზე მეტად გადაიხრება;
• ან დაფიქსირდება ძალიან მკვეთრი მოძრაობა ან ბრუნვა.

განგაშის დროს ცენტრალური ბლოკი:

• იღებს გატაცების რადიოსიგნალს;
• აგზავნის SMS შეტყობინებას;
• ურთავს GPS მდებარეობას, თუ კოორდინატები ხელმისაწვდომია;
• მოვლენას ასახავს ვებგვერდზე.

7. GPS-ის გამოყენება

ცენტრალური ბლოკი, რომელშიც დამონტაჟებულია GPS ანტენა, სასურველია მოთავსდეს ღია სივრცეში, ფანჯარასთან ან ისეთ ადგილას, საიდანაც ცის ხედვა თავისუფალია.

შენობაში GPS კოორდინატების მიღებას შეიძლება მეტი დრო დასჭირდეს.

თუ SMS-ში მიიღეთ GPS: no fix yet, GPS ანტენა გადაიტანეთ ფანჯარასთან ან ღია სივრცეში და რამდენიმე წუთის შემდეგ მოთხოვნა გაიმეორეთ.

8. წყალში ელექტრული სიგნალის აღმოჩენა

სენსორი აკონტროლებს წყალში პულსურ ელექტრულ სიგნალებს 15–100 Hz სიხშირის ფარგლებში.

სიგნალის აღმოჩენისას:

1. სენსორი აგზავნის რადიოსიგნალს ცენტრალურ ბლოკთან;
2. ცენტრალური ბლოკი კითხულობს GPS მონაცემებს;
3. რეგისტრირებულ ტელეფონზე იგზავნება SMS შეტყობინება;
4. GPS მონაცემების არსებობის შემთხვევაში SMS შეიცავს მდებარეობას;
5. მოვლენა აისახება ვებგვერდზეც.

9. მობილური აპლიკაცია

მოწყობილობის სამართავად შესაძლებელია თანდართული მობილური აპლიკაციის გამოყენებაც.

აპლიკაცია ამარტივებს REGISTER, DATA და BATTERY ბრძანებების გაგზავნას.

აპლიკაცია სისტემის მუშაობისთვის აუცილებელი არ არის. ძირითადი ფუნქციების გამოყენება შესაძლებელია ჩვეულებრივი SMS-ითაც.

10. სისტემის სწრაფი შემოწმება

1. ჩართეთ ცენტრალური ბლოკი.
2. დაელოდეთ GSM:OK RF:READY წარწერას.
3. საჭიროების შემთხვევაში გააგზავნეთ REGISTER.
4. გააგზავნეთ DATA და შეამოწმეთ SMS.
5. მოათავსეთ სენსორი სამუშაო მდგომარეობაში.
6. ჩართეთ სენსორი და 2–3 წამით არ გაანძრიოთ.
7. მოახდინეთ წყალში სატესტო ელექტრული სიგნალის იმიტაცია.
8. შეამოწმეთ მიღებული SMS შეტყობინება.
9. სენსორის გადახრით შეამოწმეთ გატაცების დაცვა.

ერთი და იმავე ტიპის განგაშის განმეორებით შემოწმებისას დაახლოებით 60 წამი დაიცადეთ.

ტესტირების შემდეგ სისტემის გადატვირთვა საჭირო არ არის.

11. თუ შეტყობინება არ მოდის

SMS არ მოდის

• შეამოწმეთ, წერია თუ არა ეკრანზე GSM:OK;
• გადაამოწმეთ ტელეფონის ნომრის რეგისტრაცია;
• შეამოწმეთ SIM ბარათის ქსელი და ბალანსი;
• საჭიროების შემთხვევაში ცენტრალური ბლოკი ხელახლა ჩართეთ.

GPS მდებარეობა არ მოდის

• GPS ანტენა გადაიტანეთ ფანჯარასთან ან ღია სივრცეში;
• დაელოდეთ რამდენიმე წუთს თანამგზავრების მოძებნას.

წყლის სატესტო სიგნალი მეორედ არ ფიქსირდება

• გამორთეთ სატესტო სიგნალი;
• დაელოდეთ სიგნალის გაქრობის დაფიქსირებას;
• განმეორებით ტესტამდე დაახლოებით 60 წამი დაიცადეთ.

ვებმონიტორინგი

სისტემის მიმდინარე მდგომარეობისა და დაფიქსირებული მოვლენების ნახვა შესაძლებელია ვებგვერდზე:

antibrakonieri.com.ge

ინსტრუქციის QR კოდი

ინსტრუქციის გვერდის ტელეფონში გასახსნელად დაასკანერეთ QR კოდი.